P240k halaga ng ‘shabu’ nasabat sa buy-bust sa Pasay City
Nakumpiska ang aabot sa P240,000 halaga ng hinihinalang shabu sa buy-bust operation ng pulisya sa Maricaban, Pasay City, Biyernes ng gabi.
Ayon kay Pasay City police chief Col. Bernard Yang, timbog sa operasyon ang isang construction worker at isang masahista na pawang kabilang sa drugs watch list.
Nakuha mula sa mga ito ang 35 grams ng hinihinalang shabu.
Bagama’t aminadong gumagamit ng droga, pinabulaanan naman ng masahista na siya ay nagbebenta,
Inuutusan lamang anya siya sa construction site sa Maricaban na pinangyarihan ng transaksyon.
Ang construction worker naman ay umamin na sideline niya ang pagtutulak.
Mahaharap ang dalawa sa kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.