Public interview sa mga aplikante sa bakanteng posisyon bilang mahistrado ng SC, itinakda na
Itinakda na ng Judicial and Bar Council o JBC ang Public Panel Interview para sa mga aplikante sa binakanteng posisyon sa Korte Suprema ni dating Associate Justice Diosdado Peralta na naitalaga bilang Chief Justice noong October 23.
Ayon sa JBC, gagawin ang naturang panel interview sa December 9 mula alas 3:00 ng hapon hanggang alas 5:00 ng hapon.
Susundan ito ng isa pang public panel interview sa December 18, mula alas 9:00 ng umaga hanggang alas 12:00 ng tanghali.
Gagawin ang naturang public panel interview sa Division Hearing Room, sa Ground Floor ng New SC Building sa Faura Street, Ermita, Manila
Sa ngayon, mayroong 15 aplikante sa pagka-associate Justice ng SC.
Sinomang maswerte ng mapipili sa naturang mga aplikante ang kukumpleto sa 15 mahistrado ng SC.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.