WATCH: Official trailer ng live action version ng Mulan inilabas na ng Disney

By Dona Dominguez-Cargullo December 06, 2019 - 06:01 AM

Inilabas na ng Walt Disney Studios ang official trailer ng live action version ng pelikulang Mulan.

Ipinakita sa trailer ang pagdedesisyon ni Hua Mulan (Liu Yifei) na lumaban matapos ipag-utos ng Emperor of China na isa sa bawat pamilya ang dapat magsilbi sa Imperial Army.

Napilitan si Mulan na magpanggap na lalaki dahil ang kaniyang ama ay maysakit at hindi na kaya pang lumaban.

Tampok din sa pelikula si Jet Li na gumanap bilang Emperor.

Habang ipinapakita ang pakikipaglaban ni Mulan, madidinig din ang awiting “Reflections” na unang naging tanyag matapos awitin ni Lea Salonga para sa animated version ng pelikula.

Pitong oras matapos pormal na ilabas ang trailer umabot na sa mahigit 1 milyon ang views nito.

Mapapanood ang Mulan sa March 2020.

TAGS: live action version, mulan, PH news, Philippine breaking news, Philippine Online News, Radyo Inquirer, Tagalog News Wesbite, Walt Disney Studios, live action version, mulan, PH news, Philippine breaking news, Philippine Online News, Radyo Inquirer, Tagalog News Wesbite, Walt Disney Studios

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.