Bangkay ng lalaki natagpuan sa Cavite

Isang bangkay ng hindi pa nakilalang lalaki ang natagpuan ng mga tauhan ng Philippine Coast Guard kasama ang mga pulis sa baybayin ng isang resort sa San Jose, Ternate sa Cavite matapos ang pananalasa ng bagyong #TisoyPH.

Ang bangkay may balot ng packaging tape ang bibig at dibdib.

May taas itong 4’7 nakasuot ng itim na tshirt at blue maong na pantalon at may tattoo na “bahala na gang sa likod”.

Sa pagtaya ng mga awtoridad, nasa edad trenta hanggang kwarenta anyos.

Isang concerned citizen umano ang nakakita sa bangkay at agad na nagreport sa PCG sub-station sa Naic.

Agad namang dinala sa pinakamalapit na punenarya ang bangkay para sa kaukulang imbestigasyon.