General Guillermo Eleazar nabigyan ng promosyon

Ginawa ng promosyon si Major General Guillermo Eleazar, ang pinuno ng directorial staff ng Philippine National Police (PNP).

Mula sa pagiging two-star ay na-promote si Eleazar bilang lieutenant general, na three-star rank.

Si Eleazar, na miyembro ng Philippine Military Academy (PMA) Hinirang Class of 1987 ay isa sa mga kandidato bilang susunod na PNP chief.

Kabilang siya sa mga inirekomenda ni Interior Secretary Eduardo Año kay Pangulong Rodrigo Duterte.

Epektibo noong Nov. 29 ang promosyon ni Eleazar at ngayong araw Dec. 5 ginawa ang kaniyang opisyal na oath-taking at donning-of-rank sa Camp Crame, Quezon City.

Sa kaniyang speech sinabi ni Lt. Gen. Archie Gamboa, PNP officer-in-charge, isa si Eleazar sa kaniyang “mentors”.