Mahihinang lindol naitala sa Camarines Sur, Sultan Kudarat
Naitala ang magkakahiwalay na pagyanig sa Camarines Sur at Sultan Kudarat, Huwebes ng madaling araw.
Ayon sa Phivolcs, magnitude 3.5 na lindol ang yumanig sa layong 22 kilometro Hilagang-Kanluran ng Goa, Camarines Sur kaninang alas-3:30.
May lalim lamang ang pagyanig na isang kilometro.
Alas-2:32 naman nang maitala ang magnitude 3.0 na lindol sa layong siyam na kilometro Hilagang-Kanluran ng Lutayan, Sultan Kudarat.
May lalim ang pagyanig na 23 kilometro.
Makalipas ang dalawang oras, o 4:34 ng umaga, may naitala muling magnitude 3.1 na lindol sa layong 17 kilometro Hilagang-Silangan ng Lutayan.
May lalim naman itong apat na kilometro.
Tectonic ang dahilan ng mga pagyanig at hindi naman nagdulot ng pinsala sa mga ari-arian at wala ring inaasahang aftershocks.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.