PNP, paiigtingin ang operasyon vs bandalismo

Paiigtingin ng Philippine National Police (PNP) ang kanilang operasyon kontra sa bandalismo.

Ito ay matapos maglabas ng kautusan ang Department of Interior and Local Government (DILG) na arestuhin ang mga maglalagay ng bandalismo sa mga pampublikong lugar.

Sa inilabas na pahayag, sinabi ni PNP spokesman Brig. Gen. Bernard Banac na tutugon sa nasabing direktiba ang kanilang hanay.

Paglilinaw naman ng DILG, hindi layon ng kautusan na pigilan ang freedom of expression sa bansa.

Matatandaang apat na miyembro ng Panday Sining National ang inaresto sa Maynila dahil sa umano’y pagkakasangkot sa iniwang bandalismo sa bahagi ng Recto Avenue.