Biyahe ng mga barko mula Caticlan patungong Batangas at Mindoro suspendido pa rin

Nananatiling suspendido ang biyahe ng mga barko mula sa Caticlan Jetty Port na patungo sa Batangas at Mindoro.

Ayon sa Philippine Coast Guard (PCG) Station sa Aklan, ngayong araw, December 4 ay wala pa ring biyahe ang mga barko sa Caticlan Jetty Port na patungong Batangas at Mindoro.

Wala nang tropical cyclone wind signal na umiiral sa Aklan pero nakataas pa rin ang signal number 1 sa Mindoro at Batangas.

Balik-operasyon naman na ang biyahe ng mga barko mula Caticlan patungong Romblon.

Ang biyahe naman ng mga motorbanca mula sa Caticlan Jetty Port patungong Boracay Island ay balik na rin sa normal.