LOOK: SM Mall sa Legazpi napinsala din ng Typhoon Tisoy

Napinsala din ng Typhoon Tisoy ang SM Mall sa Legazpi City sa Albay.

Sa mga larawang ibinahagi ng netizen na si Allan Castro, makikitang nawasak ang itaas na bahagi ng pader ng mall.

Ito ay bunsod ng naranasang napakalakas na hangin sa Legazpi City dahil sa bagyong Tisoy.

Kita ring may mga yerong nagbagsakan sa palibot ng mall.

Sa 5AM weather bulletin ng PAGASA, inilarawan nitong ‘violent winds’ at ‘intense rainfall’ ang hatid ng eyewall ng bagyo sa Camarines Norte, Camarine Sur, Albay at Masbate.