Bus nahulog sa frozen river sa Siberia, 19 ang patay

Patay ang 19 na sakay ng isang pampasaherong bus matapos itong mahulog sa frozen river sa Siberia.

Nangyari ang aksidente habang tumatawid ng tulay ang bus sa bahagi ng Kuenga river sa eastern Siberia region na Zabaikalsky.

Galing ng Sretensk ang bus at patungo ng Chita sakay ang 40 mga pasahero.

Maliban sa 19 na nasawi, 21 pa ang nasugatan.

Kabilang sa nasawi ang dalawang bata.

Patuloy pa ang imbestigasyon kung bakit nahulog sa tulay ang bus.