Bagyong #TisoyPH humina matapos mag-landfall sa Sorsogon

By Rhommel Balasbas December 03, 2019 - 02:44 AM SHARE(S):

Bahagyang humina ang Bagyong Tisoy simula nang mag-landfall sa Gubat, Sorogon alas-11:00 ng gabi ng Lunes.

Ayon sa 2am severe weather bulletin ng PAGASA, huling namataan ang mata ng bagyo sa bisinidad ng Pilar, Sorsogon.

Taglay nito ang lakas ng hanging aabot sa 165 kilometro bawat oras malapit sa gitna at pagbugsong aabot sa 275 km kada oras.

Kumikilos ito pa-Kanluran sa bilis na 15 km kada oras.

Kasalukuyang nagdadala ng ‘violent winds’ at ‘intense rainfall’ ang eyewall ng Bagyong Tisoy sa Northern Samar, Catanduanes, Albay, Camarines Sur, at Sorsogon.

Magdadala rin ng ganitong panahon ang eyewall ng bagyo sa Camarines Norte at Masbate sa susunod na tatlong oras.

Hanggang mamayang tanghali madalas hanggang tuloy-tuloy na malakas hanggang mapaminsalang pag-ulan ang mararanasan sa Bicol Region, Northern Samar, Southern Quezon, Marinduque, at Romblon.

Paminsan-minsan hanggang madalas na malakas na pag-ulan ang mararanasan sa Samar, Eastern Samar, Rizal, nalalabing bahagi ng Quezon, Laguna at Oriental Mindoro.

Panaka-nakang malakas na ulan ang mararanasan naman sa Metro Manila, Occidental Mindoro, nalalabing bahagi ng CALABARZON, Aurora, nalalabing bahagi ng Eastern Visayas at eastern portions ng Cagayan at Isabela.

Nakataas ang Tropical Cyclone Wind Signal no. 3 sa:
Catanduanes, Camarines Sur, Albay, Sorsogon, Camarines Norte, Masbate kasama ang Ticao at Burias Islands, Romblon, southern portion ng Quezon (Perez, Alabat, Quezon, Mauban, Sampaloc, Lucban, Tayabas, Pagbilao, Lucena, Sariaya, Candelaria, Dolores, Tiaong, San Antonio, Atimonan, Padre Burgos, Agdangan, Plaridel, Unisan, Pitogo, Gumaca, Lopez, Macalelon, General Luna, Calauag, Guinayangan, Tagkawayan, Buenavista, Mulanay, San Narciso, San Francisco, San Andres), Marinduque, Oriental Mindoro, Occidental Mindoro kasama ang Lubang Island, Batangas, Cavite, Laguna, Northern Samar, northern portion ng Eastern Samar (Can-avid, Dolores, Maslog, Oras, Arteche, Jipapad, San Policarpio), northern portion ng Samar (Catbalogan, Jiabong, Motiong, Paranas, San Jose de Buan, San Jorge, Pagsanghan, Tarangnan, Sta. Margarita, Gandara, Matuguinao, Calbayog, Tagapul-an, Almagro, Sto. Niño)

TCWS no. 2 sa:
Metro Manila, Bulacan, Bataan, Tarlac, Pampanga, Nueva Ecija, southern Aurora (Dipaculao, Maria Aurora, Baler, San Luis, Dingalan), Rizal, nalalabing bahagi ng Quezon kasama ang Polillo Islands, Calamian Islands, Cuyo Islands (Cuyo, Magsaysay, Agutaya), Zambales, Pangasinan, nalalabing bahagi ng Eastern Samar, nalalabing bahagi ng Samar, Biliran, Aklan, Capiz, Antique, Iloilo, Guimaras, northern portion ng Negros Occidental (Talisay, Calatrava, Silay, Enrique B. Magalona, Victorias, Manapla, Cadiz, Sagay, Escalante, Toboso, Bacolod, Murcia, Salvador Benedicto, San Carlos, Bago, Pulupandan, Valladolid, La Carlota, San Enrique, Pontevedra, La Castellana, Moises Padilla), Northern Cebu (Daanbantayan, Bantayan, Madridejos, Santa Fe, Medellin, Bogo City, San Remigio, Tabogon, Tabuelan, Tuburan, Carmen Borbon, Sogod, Catmon, Asturias, at Camotes Islands), at Leyte

TCWS no. 1 sa:

Southern Isabela (Palanan, Dinapigue, San Mariano, San Guillermo, Benito Soliven, Naguilian, Reina Mercedes, Luna, Aurora, Cabatuan, San Mateo, Cauayan City, Alicia, Angadanan, Ramon, San Isidro, Echague, Cordon, Santiago City, Jones and San Agustin), Mountain Province, Ifugao, Benguet, Nueva Vizcaya, Ilocos Sur, La Union, Quirino, nalalabing bahagi ng Aurora, northern portion ng Palawan (El Nido, Taytay, Araceli, Dumaran, San Vicente, Roxas), nalalabing bahagi ng Negros Occidental, Negros Oriental, Bohol, Siquijor, nalalabing bahagi ng Cebu, Southern Leyte, Dinagat Islands at Siargao Island

TAGS: #TisoyPH, Bagyong "Tisoy", DOST-PAGASA, Landfall, PAGASA 2am severe weather bulletin, slightly weakes, weather, #TisoyPH, Bagyong "Tisoy", DOST-PAGASA, Landfall, PAGASA 2am severe weather bulletin, slightly weakes, weather

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.