Eyewall ng Typhoon #TisoyPH, tumatama na sa Northern Samar

Tumatama na ang eyewall ng Typhoon “Tisoy” sa Northern Samar, ayon sa PAGASA.

Batay sa update ng PAGASA bandang 5:00 ng hapon, nagdadala na ang southern eyewall ng bagyo ng malakas na pag-ulan at hangin sa Northern Samar.

Posible rin itong tumama sa Sorsogon, Albay, Catanduanes at Camarines Sur sa susunod na tatlong oras.

Ayon sa weather bureau, huling namataan ang bagyo sa 155 kilometers Silangang bahagi ng Juban, Sorsogon bandang 4:00 ng hapon.

Bahagya pa itong lumakas taglay ang hanging aabot sa 155 kilometers per hour malapit sa sentro at pagbugsong aabot sa 190 kilometers per hour.

Tinatahak pa rin nito ang direksyong pa-Kanluran sa bilis na 15 kilometers per hour.

Dahil dito, nakataas pa rin ang Tropical Cyclone Wind Signals sa mga sumusunod na lugar:

Signal no. 3:
– Catanduanes
– Camarines Sur
– Albay
– Sorsogon
– Camarines Norte
– Masbate kabilang ang Ticao at Burias Islands
– Romblon
– southern portion ng Quezon (Perez, Alabat, Quezon, Atimonan, Padre Burgos, Agdangan, Plaridel, Unisan, Pitogo, Gumaca, Lopez, Macalelon, General Luna, Calauag, Guinayangan, Tagkawayan, Buenavista, Mulanay, San Narciso, San Francisco, San Andres)
– Marinduque
– Northern Samar
– northern portion ng Eastern Samar (Can-avid, Dolores, Maslog, Oras, Arteche, Jipapad, San Policarpio)
– northern portion ng Samar (Catbalogan, Jiabong, Motiong, Paranas, San Jose de Buan, San Jorge, Pagsanghan, Tarangnan, Sta. Margarita, Gandara, Matuguinao, Calbayog, Tagapul-an, Almagro, Sto. Niño)

Signal no. 2:
– Metro Manila
– Bulacan
– Bataan
– Tarlac
– Pampanga
– Nueva Ecija
– southern Aurora (Dipaculao, Maria Aurora, Baler, San Luis, Dingalan)
– Cavite
– Batangas
– Laguna
– Rizal
– nalalabing bahagi ng Quezon kabilang ang Polillo Islands
– Oriental Mindoro
– Occidental Mindoro
– Calamian Islands
– Zambales
– nalalabing bahagi ng Eastern Samar
– nalalabing bahagi ng Samar
– Biliran
– Aklan
– Capiz
– Antique
– Iloilo
– northern portion ng Negros Occidental ( Talisay, Calatrava, Silay, Enrique B. Magalona, Victorias, Manapla, Cadiz, Sagay, Escalante, Toboso)
– Northern Cebu (Daanbantayan, Bantayan, Madridejos, Santa Fe, Medellin, Bogo City, San Remigio, Tabogon, Tabuelan, Tuburan, Carmen Borbon, Sogod, Catmon, Asturias, at Camotes Islands)
– northern portion ng Leyte ( Baybay, Mahaplag, Abuyog, Javier, Macarthur, Mayorga, La Paz, Dulag, Albuera, barauen, Julita, Tolosa, Tanauan, Tabontabon, Dagami, Pastrana, Palo, Sta. Fe, Tacloban, Alangalang, Jaro, Babatngon, San Miguel, Barugo, Tunga, Carigara, Capoocan, Leyte, Calubian, San Isidro, Tabango, Villaba, Kananga, Matag-ob, Palompon, Isabel, Merida, Ormoc)
– Guimaras

Signal no. 1:
– Southern Isabela (Palanan, Dinapique, San Mariano, San Guillermo, Benito Soliven, Naguilian, Reina Mercedes, Luna, Aurora, Cabatuan, San Mateo, Cauayan City, Alicia, Angadanan, Ramon, San Isidro, Echague, Cordon, Santiago City, Jones at San Agustin)
– Mountain Province
– Ifugao
– Benguet
– Nueva Vizcaya
– Ilocos Sur
– La Union
– Pangasinan
– Quirino
– nalalabing bahagi ng Aurora
– nalalabing bahagi ng Negros Occidental
– Metro Cebu (Balamban, Toledo City, Pinamungahan, Aloguinsan, Naga City, Talisay City, Cordova, Minglanilla, Lapu-Lapu City, Mandaue City, Cebu City, Consolacion, Liloan, Compostela at Danao City)
– nalalabing bahagi ng Leyte at Southern Leyte – Dinagat Islands at Siargao Island

Ayon sa PAGASA, patuloy na makararanas ng malakas na pag-ulan sa Bicol Region, Northern Samar, Southern Quezon, Marinduque at Romblon.

Panaka-naka hanggang tuluy-tuloy na malakas na pag-uulan naman ang iiral sa Samar, Eastern Samar, Rizal, nalalabing parte ng Quezon, Laguna, at Oriental Mindoro

Makararanas naman ng moderate to intermittent heavy rains sa Metro Manila, Occidental Mindoro, nalalabing parte ng Calabarzon, Cagayan, Isabela, Aurora at nalalabing bahagi ng Eastern Visayas.

Sinabi pa ng PAGASA na posibleng mag-landfall ang bagyo sa Albay – Sorsogon bandang Lunes ng gabi o Martes ng madaling-araw.

Mapanganib na ring pumalaot ang mga sasakyang-pandagat sa mga lugar na nasa ilalim ng TWCS, seaboards ng Northern Luzon, western seaboard ng Palawan, central seaboards ng Visayas at, northern at eastern seaboards ng Mindanao.

Pinayuhan ng PAGASA ang publiko na maging alerto at tutukan ang pinakahuling lagay ng panahon.

TAGS: #TisoyPH, Albay, Bagyong "Tisoy", camarines sur, catanduanes, northern samar, pagasa, Sorsogon, Typhoon "Tisoy", #TisoyPH, Albay, Bagyong "Tisoy", camarines sur, catanduanes, northern samar, pagasa, Sorsogon, Typhoon "Tisoy"