Mayor Moreno, pinaaalerto ang emergency operation centers kasunod ng Typhoon #TisoyPH

Ipinag-utos ni Mayor Isko Moreno ang pag-alerto ng emergency operation centers sa Lungsod ng Maynila.

Ito ay kasunod ng inaasahang pagnanalasa ng Typhoon “Tisoy.”

Kasunod nito, naglabas ng report ang Manila Disaster Risk Reduction Management Office (MDRRMO) na handa na ang rescue centers sa Baseco at Delpan.

Nagpakalat din ang MDRRMO ng amphibian, 4×4 rescue trucks, rubber boat, aluminum boat, at barracuda boats para umasiste sa publiko sa panahon ng pananalasa ng bagyo.

Inalerto na rin ang mga rescue personnel para rumesponde sa emergency situations.