Mga aberya sa SEA games ayaw na munang kalkalin ni Pangulong Duterte habang ginagawa ang palaro

Mananatiling tikom na muna ang bibig ni Pangulong Rodrigo Duterte habang ginagawa ang 30th Southeast Asian (SEA) games sa bansa.

Ayon sa pangulo, ayaw niya munang kalkalin kung mayroong korapsyon sa pag-organisa ng SEA games.

Hindi kasi aniya ito ang tamang panahon lalo’t marami pang bisita sa bansa.

Pero pagtitiyak ng pangulo, may mananagot kapag napatunayan na may nagpabaya sa trabaho kung kaya nagkaroon ng aberya ang preparasyon sa SEA games.

Sa ngayon, nangunguna ang Pilipinas sa may pinakamaraming gintong medalya sa SEA games.