outbrain

P4.8M ipinagkaloob ng DOLE bilang ayuda sa mga manggagawa sa nasunog na Star City

By Ricky Brozas November 29, 2019 - 06:12 PM SHARE(S):

Nagkaloob ang Department of Labor and Employment o DOLE ng emergency assistance fund na aabot sa 4.8 milyong pisong ang halaga para sa mga manggagawa sa nasunog na amusement park na Star City sa Pasay City.

Ang tulong ay bahagi ng emergency employment program ng DOLE na may minimum period na 10 araw at maximum period na 30 araw para sa mga manggagawang nawalan ng hanapbuhay sa ilalim ng “Tulong Panghanapbuhay sa Ating Disadvantaged/Displaced Workers” (TUPAD) program.

Sa ulat ng DOLE-NCR, kabuuang 393 mula sa 500 na mga manggagawa na isinailalim sa profiling ang natukoy bilang possible TUPAD beneficiaries.

Isinabay naman ang awarding sa inilunsad na trabaho, negosyo, kabuhayan job and business fair na ginanap sa Cuneta astrodome sa pagdiriwang ng 86th founding anniversary ng DOLE.

Pinangunahan nina DOLE Acting Secretary Claro Arellano and Senator Joel Villanueva, ang Chairperson ng Senate Committee on Labor, Employment and Human Resources Development ang ceremonial awarding para sa 300 manggagawa.

TAGS: dole-ncr, emergency assistance fund, fire, PH news, Philippine breaking news, Radyo Inquirer, Star City, Tagalog breaking news, tagalog news website, dole-ncr, emergency assistance fund, fire, PH news, Philippine breaking news, Radyo Inquirer, Star City, Tagalog breaking news, tagalog news website

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.