Guro na nagbebenta ng shabu sa mga estudyante, arestado sa Cebu

Arestado ang isang public school na nagbebenta ng ilegal na droga sa kaniyang mga estudyante.

Dinakip ang suspek na guro sa ikinasang buy-bust operation ng mga otoridad sa bayan ng Dalaguete sa Cebu, biyernes ng umaga.

Kinilala ang suspek na si Roy Ysao, 40 anyos na inaresto matapos magbenta ng P1,000 halaga ng shabu sa isang police undercover sa labas mismo ng paaralan.

Nakuhanan si Ysao ng limang maliliit na plastic sachet ng hinihinalang shabu.

Si Ysao ay isang high school teacher.

Ilang linggo nang isinasailalim sa surveillance ng pulisya ang teacher dahil sa ulat na nagbebenta siya ng ilegal na droga sa mga estudyante.