#WALANGPASOK: Klase sa lalawigan ng Pampanga suspendido mula Dec. 4 hanggang 10

Sinuspinde ng isang linggo ang klase sa buong lalawigan ng Pampanga.

Ito ay dahil sa mga aktibidad na magaganap para sa 30th Southeast Asian Games (SEA Games).

Sa Executive Order ni Pampanga Governor Dennis Pineda, sinuspinde nito ang klase sa lahat ng antas, public at private sa lalawigan mula Dec. 4 hanggang 10, 2019.

Nakasaad sa kautusan na inaasahan ang pagbigat sa daloy ng traffic sa maraming lugar sa lalawigan dahil sa pagdagsa ng mga taong nais sumaksi sa palaro at maging ng mga delegado sa SEA Games.

Layunin din ng suspensyon na mahikayat ang mga residente na makiisa sa mga aktbidad at magpakita ng suporta sa mga atletang Pinoy.