Facebook, Messenger, Instagram outages naranasan sa iba’t ibang bahagi ng mundo

Milyun-milyong Facebook, Messenger at Instagram users sa buong mundo kabilang ang Pilipinas ang hindi maaccess ang kanilang accounts.

Ito ay dahil nag-crash ang naturang social media apps.

Ayon sa downdetector.ph, bandang alas-10:15 ng oras sa Pilipinas naranasan ang mga aberya.

Nararanasan ang mga problema sa Asya, Europe at Amerika.

Ang WhatsApp na nasa ilalim din ng kumpanyang nagmamay-ari ng Facebook at Instagram ay hindi naman apektado.

Walang nagawa ang social media users na iere ang kanilang pagkadismaya sa pamamagitan ng Twitter.

Sa katunayan, isa sa worldwide trending topics ngayon ay ang #instagramdown.