WATCH: Pulis patay, 11 sugatan matapos hagisan ng granada sa Misamis Oriental
(UPDATE) Patay ang isang pulis habang sugatan ang labingisang iba pa makaraang pumutok ang isang granada sa Initao, Misamis Oriental.
Nangyari ang insidente pasado alas 11:00 ng umaga ng Huwebes (Nov. 28), sa Initao Community College.
Ayon kay Police Captain Princess Joy Enriquez Velarde, Public Information Officer ng Misamis Oriental Provincial Police Office, rumesponde ang kanilang mga tauhan sa naturang paaralan dahil may nag-aamok na matandang lalaki.
Pero nanlaban ang lalaki sa mga pulis at nakipaghabulan.
Kinilala ang nasawing pulis na si P/Msg Jason Magno. Habang kabilang sa 11 nasugatan ang isa pang pulis na si Police Senior Master Sergeant Alice Balido.
Nasaksihan pa ng ilang mag-aaral ang pangyayari.
Pinasalamatan nila si Magno sa kabayanihang ginawa nito.
Napatay din ng mga pulis ang nag-amok na suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.