Bata patay sa sunog sa Bacolod City

Isang bata ang nasawi sa sunog na naganap sa Bacolod City.

Nasunog ang isang bahay sa Purok Sigay, Barangay 2, Huwebes, nov. 28 ng madaling araw.

Ayon sa Bureau of Fire Protection, sunog na sunog ang bahay at mayroon pang tatlong bahay nadamay.

Batay sa inisyal na imbestigasyon, sa bahay ng isang Belinda Cuadra nagsimula ang sunog at doon din natagpuan ang wala nang buhay na 5 taong gulang na bata.

Tinatayang aabot sa P50,000 ang halaga natupok na mga ari-arian.

Inaalam pa kung ano ang pinagmulan ng apoy.