Residential area sa Malate, nasunog

 

Walumpung bahay ang nasunog sa Jacobo Street sa Malate, Maynila, Miyerkules ng gabi.

Nagsimula ang sunog sa residential area sa nasabing lugar ganap na alas-8:52 ng gabi, ngunit ilang minuto lang ay itinaas na agad ito sa 5th o general alarm pagdating ng alas-9:09 ng gabi.

Agad na rumesponde ang mga bumbero hindi lang mula sa Maynila kundi sa buong Metro Manila at mga karatig probinsya.

Pagsapit ng 10:26 ng gabi, idineklara nang under control ang sunog. Dakong alas dos na ng madaling araw ito naideklarang fire out.

Tinatayang nasa kalahating milyon ang halaga ng mga napinsala dahil sa sunog.