Kongreso bahala nang mag-imbestiga sa mga kapalpakan sa SEA Games ayon sa Malakanyang

By Chona Yu November 27, 2019 - 08:29 AM

INQUIRER photo

Ipinauubaya na ng Malakanyang sa Senado at Kamara kung nais nitong imbestigahan ang mga kapalpakan ng organizing committee sa South East Asian Games.

Ayon kay Presidential Spokesman Salvador Panelo, tungkulin na ng kongreso na busisiin kung may korapsyon, anomalya o iregularidad ang Philippine Southeast Asian Games Organizing Committee o PHISGOC na naatasang mag organisa sa SEA Games.

Kabilang sa pinupunang kapalpakan umano ng PHISGOC ang hindi maayos na pagkain, hotel accomodation, transportasyon at mga hindi pa natatapos na venue na pagdarausan ng mga palaro.

Ayon kay Panelo, batid na ng pangulo ang mga kapalpakan ng PHISGOC kung kaya may ginagawa nang sariling imbestigasyon ang Office of the Presidente.

Sapol din aniya sa imbestigasyon si HIouse Speaker Alan Peter Cayetano bilang siya ang tumatayong pinuno ng PHISGOC.

TAGS: investigation, PH news, Philippine breaking news, Philippine News, PHISGOC, Radyo Inquirer, sea games, Tagalog breaking news, tagalog news, tagalog news website, investigation, PH news, Philippine breaking news, Philippine News, PHISGOC, Radyo Inquirer, sea games, Tagalog breaking news, tagalog news, tagalog news website

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.