DOJ hiniling na maibalik na ng kulungan si dating Maguindanao Gov. Zaldy Ampatuan
Sa dalawang pahinang urgent motion ng panel of public prosecutors, iginiit ng mga ito na magpalabas na ng kautusan ang hukuman para ibalik si Ampatuan sa detention facility ng QC Jail annex.
Paliwanag ng prosekusyon, hindi nila isinasantabi ang medical condition ng akusado, subalit nais lamang nilang matiyak na hindi makakatakas sa kaso ang akusado lalo pa at nalalapit na ang paglalabas ng hatol ng korte.
Para sa panig ng prosekusyon, wala na silang nakikitang dahilan para manatiling naka-confine pa sa Makati Medical Center ang dating gobernador dahil sumasailalim na lang siya sa physical at occupational therapy na maaari naman gawin sa detention facility sa Taguig.
Giit pa ng prosekusyon, kung kinakailangan pa din manatili sa nasabing ospital si Ampatuan, dapat ay magdagdag ng security personnel para matiyak na hindi ito basta makakalabas ng pagamutan.
Nauna ng inimpormahan ang korte na isinugod si Ampatuan sa Taguig-Pateros district hospital nung October 21, 2019, bago ito nalipat sa cardiovascular intensive care unit ng Makati Medical Center.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.