P400K na halaga ng cocaine na kumpiska sa isang call center agent sa Makati

Nakumpiska ang P400,000 halaga ng cocaine mula sa isang drug suspek sa Makati City.

Ikinasa ng mga tauhan ng Station Drug Enforcement Unit ng Makati City Police ang operasyon alas 12:30 ng Martes, Nov. 26 ng madaling araw sa Barangay Poblacion.

Naaresto sa naturang operasyon ang suspek na si Robert Baltazar na isang call center agent.

Maliban sa mga hinihinalang cocaine, nakuhanan din si Baltazar ng shabu na tinatayang P8,000 ang halaga.

Mahaharap sa kasong may kaugnayan sa pagbebenta ng ilegal na droga ang suspek.