British national at asawang Pinay na nakalaya mula sa ASG, nasa Maynila na

By Rhommel Balasbas November 26, 2019 - 05:03 AM

Nasa kustodiya na ng British Embassy sa Maynila ang mag-asawang dinukot ng Abu Sayyaf sa Sulu.

Magugunitang 53 araw na hawak ng mga bandido sina Allan Hyron at asawang si Wilma.

Pasado alas-9:30 Lunes ng gabi, dumating sa Villamor Air Base sa Taguig ang eroplano ng militar sakay ang mag-asawa.

Sinalubong sila sa base operations center ng Villamor Airbase ni British Ambassador to the Philippines Daniel Pruce.

Una nang iginiit ng Western Mindanao Command (WestMinCom) na walang binayad na ransom para sa paglaya ng dalawa.

Samantala, nagpasalamat ang British embassy sa gobyerno ng Pilipinas sa pagkakaligtas sa mga Hyrons.

“We welcome the rescue of Alan and Wilma Hyrons, who were kidnapped on 4 October. We extend our gratitude to the government and authorities of the Philippines,” pahayag ng British Embassy.

Magpapahinga muna sa British Embassy ang mag-asawa at wala pang detalye kung kailan sila babalik ng Britanya.

TAGS: Abu Sayyaf Group (ASG), Allan Hyrons and wife, British Embassy to Manila, Daniel Pruce, Western Mindanao Command (WestMinCom), Abu Sayyaf Group (ASG), Allan Hyrons and wife, British Embassy to Manila, Daniel Pruce, Western Mindanao Command (WestMinCom)

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.