Malakanyang, hindi takot sa banta ni Robredo na isiwalat ang mga nalaman sa drug war
“Tinimbang ka ngunit kulang.”
Ito ang naging pahayag ng Palasyo ng Malakanyang kay Vice President Leni Robredo matapos magbanta na isisiwalat niya sa publiko ang mga nalaman matapos manungkulan ng 18 araw bilang co-chairman ng Inter-agency Committee on Anti-illegal Drugs (ICAD).
Ayon kay Presidential spokesman Salvador Panelo, malaya si Robredo na gawin ang lahat ng nais nito.
Sinabi pa ni Panelo na kaya itinalaga ni Pangulong Rodrigo Duterte si Robredo bilang co-chairman ng ICAD para mabigyan ng oportunidad na transparent ang war on drugs ng administrasyon.
Malinaw aniya na kaya sinibak ng pangulo si Robredo dahil sa incompetence at ang kabiguang makapaglatag ng mga bagong programa na susugpo sana sa problema sa ilegal na droga.
“She can do as she pleases. Anything that she claims she has discovered was accessed to her. She was precisely appointed, apart from giving her the opportunity to assist in the campaign against illegal drugs, to let her know that everything in the drug was and is transparent. She was fired for incompetence, in addition to her failure to introduce new measures she claimed she had, as against what she claimed to be ineffective method in fighting the drug menace. Tinimbang siya ngunit kulang,” ani Panelo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.