Ito ang sinabi ni Sen. Kiko Pangilinan kaugnay sa mga pahayag ng Malakanyang at kaalyado ni Pangulong Duterte laban kay Robredo.
Ayon kay Pangilinan kung hindi pinagkakatiwalaan si Robredo pakiusap nito ay huwag na lang itong imbentuhan ng mga kuwento.
Dagdag ng senador maaring hindi inakala ng mga kaalyado ng Malakanyang na tatanggapin ni Robredo ang hamon na pamunuan ng kampaniya kontra droga kayat iniintriga nila ito.
Sinabi pa nito dapat din tigilan ang paninira at pananakot na babawiin kay Robredo ang bagong posisyon nito.
Pagdidiin din ni Pangilinan hindi kapit tuko sa kanyang bagong puwesto si Robredo.