Lebel ng tubig sa Buntun River sa Cagayan, mabilis ang pagtaas

Patuloy na nadaragdagan ang antas ng tubig sa Buntun River sa Cagayan.

Sa huling update ng Provincial Disaster Risk Reduction and Management Council ng Cagayan, umabot na sa 7.55 meters ang water level sa Buntun Bridge bandang 12:10 ng tanghali.

Mahigit isang metro ang itinaas nito kumpara sa 6.46 meters bandang 6:20 ng umaga.

Dahil dito, inalerto ang mga residente na posibleng makaranas ng pagbaha sa mababang lugar malapit sa Cagayan River sa susunod na 24 oras.

Itataas sa alert level warning ang Buntun Bridge kapag umabot na sa 9 meters ang lebel nito habang critical level naman kapag 12 meters.