Bata binaril at napatay ang kaniyang ama sa Negros Oriental

By Dona Dominguez-Cargullo November 21, 2019 - 11:44 AM

Patay ang isang ama matapos barilin ng kaniyang 8 anyos na anak na lalaki sa kanilang bahay sa Sitio Manluy-a, Barangay San Jose, Sipalay City, Negros Occidental Miyerkules (Nov. 20) ng gabi.

Nasawi matapos magtamo ng tatlong tama ng baril sa dibdib si Jessy Obas, 39 anyos.

Bago ang insidente, sinaktan umano ng nakainom na ama ang bata.

Ayon kay Lt. Col. Necerato Sabando, officer-in-charge sa Sipalay City Police Station, kinuha ng bata ang .38 kalibreng baril ng kaniyang ama at saka ito tatlong beses na pinaputukan.

Nasa kostodiya ngayon ng Department of Social Welfare and Development sa Sipalay City ang bata.

Sa imbestigasyon ng pulisya, minamaltrato ng ama ang tatlong anak niya kapag nakakainom.

Mismong si Obas din umano ang nagtuturo sa kaniyang mga anak kung paano gamitin ang baril.

Ang suspek na 8 anyos ang bunso sa tatlong magkakapatid.

Ang kanilang ina naman ay nagtatrabaho sa Metro Manila.

TAGS: boy shots father to death, crime, Negros Oriental, PH news, Philippine breaking news, Radyo Inquirer, Siplay city, Tagalog breaking news, tagalog news website, boy shots father to death, crime, Negros Oriental, PH news, Philippine breaking news, Radyo Inquirer, Siplay city, Tagalog breaking news, tagalog news website

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.