Bagyong Sarah lumakas pa; Signal No. 1 nakataas pa rin sa Batanes

By: Dona Dominguez-Cargullo - 5 years ago

Bahagya pang lumakas ang Severe Tropical Storm Sarah.

Huling namataan ang bagyo sa layong 275 km East ng Basco, Batanes.

Taglay nito ang lakas ng hanging aabot sa 100 kilometers bawat oras malapit sa gitna at pagbugsong aabotsa 125 kilometers bawat oras.

Kumikilos ang bagyo sa bilis na 10 kilometers bawat oras sa direksyong West Northwest.

Nakataas pa rin ang Tropical Cyclone Wind Signal Number 1 sa Batanes.

Ayon sa PAGASA makararanas ngayong araw ng mahina hanggang katamtamang pag-ulan at kung minsan ay malakas na pag-ulan sa Cagayan, Aurora at northern Quezon due.

Inaasahang bukas o sa Sabado ay hihina ang Bagyong Sarah.

Lalabas ito ng Philippine Area of Responsibility (PAR) sa Sabado.