VP Leni Robredo dapat alam ang kanyang limitasyon bilang anti-drug czar – Sen. Tito Sotto
Hindi kailangang sawsawan lahat ni Vice President Leni Robredo ang lahat ng aspeto ng pagkasa ng kampaniya kontra droga.
Ito ang personal na opinyon ni Senate President Vicente Sotto III.
Sinabi pa ni Sotto itinalaga ni Pangulong Duterte si Robredo bilang co-chairperson ng Inter-Agency Committee on Anti-Illegal Drugs para malaman nito ang tunay na sitwasyon ng problema ng droga sa bansa.
Dagdag pa ni Sotto magiging maayos ang relasyon nina Pangulong Duterte at Robredo kung magpo-focus lang ang bise presidente sa kanyang job description ng kanyang bagong trabaho.
Aniya ang trabahong ito ay coordinating at monitoring ng mga polisiya ng komite.
Banggit ni Sotto hindi na dapat sumawsaw pa si Robredo sa mga isyu na may kinalaman sa law enforcement.
Nasabi pa ng senador na may ibang pakay ang advisers ni Robredo kayat gumugulo pa ang trabaho nito sa ICAD.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.