Diplomatic corps tiniyak ang kaligtasan sa bansa

Siniguro ni Pangulong Rodrigo Duterte ang kaligtasan ng mga miyembro ng diplomatic coprs sa bansa.

Sa talumpati ng pangulo sa 80th Anniversary ng Department of National Defense (DND) sa Camp Aguinaldo sa Quezon City sinabi nito na ligtas na makapaglalakad sa lansangan ng Manila ang mga dayuhan.

Wala aniyang sinuman ang mananakit sa kanila.

Tanong ng pangulo sa mga miyembro ng diplomatic corps kung ligtas ba silang nakapaglalakad sa Washington o Los Angeles sa Amerika gaya ng ligtas na paglalakad sa Maynila.

Iginiit ng pangulo na puspusan ang pagtatrabaho ng gobyerno na maibalik ang katahimikan at kaayusan ng bansa.