Pag-iral ng liquor ban sa Cagayan binawi na

Inalis na ng provincial government ang umiiral na liquor ban sa lalawigan ng Cagayan.

Epektibo alas 6:00 ng gabi ng Miyerkules (Nov. 20) ay binawi na ang ipinatutupad na liquor ban.

Bago pa man tumama ang bagyong Ramon ay ipinatupad na ang liquor ban sa Cagayan.

Ito ay para matiyak na ligtas ang lahat ng mamamayan sa pananalasa ng bagyo.

Samantala, may pasok na rin ngayong araw ang mga mag-aaral sa Cagayan maliban lamang sa mga pre-school students.

Ipinaubaya naman ni Cagayan Gov. Manuel Mamba sa mga alkalde kung magsususpinde ng klase sa iba pang antas.