Sundalo, patay sa engkwentro sa Northern Samar

Patay ang isang sundalo makaraang makasagupa ang ilang hinihinalang miyembro ng New People’s Army (NPA) sa Northern Samar, Martes ng umaga.

Batay sa ulat, naganap ang bakbakan sa Barangay San Francisco sa bayan ng Las Navas.

Kinilala ang nasawing sundalo na si Pvt. Gabriel Pacal.

Tumagal nang 10 minuto ang palitan ng putok ng baril sa pagitan ng militar at rebeldeng grupo sa lugar.

Agad namang nagkasa ng operasyon ang mga otoridad para mahuli ang mga rebelde.