Mahigit 400,000 estudyante naapektuhan ng lindol sa Bukidnon

By: Dona Dominguez-Cargullo - 5 years ago

Mahigit 400,000 estudyante ang naapektuhan ng magnitude 5.9 na lindol sa Kadingilan, Bukidnon.

Ayon sa datos ng Department of Education (DepEd) mahigit isang libong eskwelahan ang napinsala ng lindol.

Sa Kadingilan, Bukidnon, 26 na paaralan ang nakitaan ng pinsala.

May mga klase rin sa Bukidnon na hindi pa nakapagre-resume mula nang tumama ang malakas na lindol noong Nov. 18.

Pinayuhan naman ng DepEd ang mga apektadong DepEd Regions at Divisions na magsumite ng Rapid Assessment of Damages Report.