Facebook Messenger nakaranas ng outage

Nakaranas ng problema ang maraming Facebook users sa iba’t ibang panig ng mundo sa paggamit ng kanilang Messenger.

Sa ulat ng downdetector.com, pasado alas singko ng umaga oras sa Pilipinas nang magsimulang maranasan ang problema.

Maraming Facebook users sa Estados Unidos, United Kingdom, at maging sa ilang bahagi ng Asya ang nakaranas ng problema.

Sa Pilipinas, bago mag alas 7:00 ng umaga nagsimulang hindi makapagpadala ng mensahe sa Messenger ang netizens.

Gamit ang hashtag na #Messenger, #FBMessngerDown at #Facebookdown, maraming netizens ang nag-tweet ng kanilang naranasang problema sa FB Messenger ngayong araw.

Wala pa namang inilalabas na pahayag ang Facebook sa nangyari.