Mga lokal na magsasaka lugi na ng higit P61.77B ayon kay Sen. Kiko Pangilinan
Sinabi ni Senator Francis Pangilinan na noong Agosto pa lang ay nabanggit na niyang malulugmok ang mga magsasaka dahil sa napakamurang halaga ng palay.
Aniya agad siyang humirit ng agarang hakbang sa gobyerno para tulungan ang mga magsasaka.
Sa ngayon aniya, P61.77 bilyon na ang nalulugi sa mga magsasaka dahil patuloy ang pagbagsak ng halaga ng palay.
Diin ng senador dapat ngayon pa lang ay nakakatanggap na ng cash compensation ang mga magsasaka.
Katuwiran ni Pangilinan ang mga konsyumer na rin ang makikinabang sa agarang tulong dahil maaring ipagpatuloy pa rin ng mga magsasaka ang pagtatanim.
Kasabay nito ang kanyang panawagan na pagsusuri sa Rice Tarrification Law at aniya maaring suspindihin muna ito hanggang sa ganap ng handa ang gobyerno para sa pagpapatupad nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.