Ito ay matapos hindi pagbigyan ng Commission on Audit (COA) ang apela ng LTO na humihiling na bawiin ang ipinalabas na notice of disallowance sa kontrata para sa pagsusuplay ng mga plaka.
Ayon kay LTO Chief Robert Cabrera, ang nasabing kautusan ng COA ay nagpapahinto sa kontrata ng LTO sa Dutch-Filipino consortium na PPI-JKG Philippines Inc., para sa pagsu-suplay ng mga plaka na nagkakahalaga ng P3.8 billion.
Aminado si Cabrera na hangga’t hindi binabawi ng COA ang nasabing kautusan, hindi makakakilos ang LTO para sa pagpapalabas ng mga plaka ng sasakyan.
Ayon naman kay Atty. Leo Romero, abugado ng mga petitioners na humiling sa Korte Suprema na ideklarang labag sa Saligang Batas ang pinasok na kontrata ng LTO sa PPI-JKG, hindi basta-basta babawiin ng COA ang kautusan.
Ang tanging solusyon aniya na maaring gawin ng LTO ay humanap ng ibang supplier para sa plaka ng mga sasakyan.