P1.4-M halaga ng shabu, nasamsam sa Cebu City

By Angellic Jordan November 16, 2019 - 11:01 AM

Photo credit: Waterfront Police

Nasamsam ng mga otoridad ang mahigit 200 gramo ng hinihinalang shabu sa ikinasang buy-bust operation sa Cebu City, Sabado ng madaling-araw.

Ayon sa Waterfront police, nakuha ang kontrabando sa suspek na si Alvin Lopez Fegarido, 29-anyos na kargador, sa bahagi ng Sitio Riverside, Villagonzalo 1 sa Barangay Tejero bandang 1:00 ng madaling-araw.

Ayon sa pulisya, si Fegarido ay ikinokonsidera bilang isang high-value drug personality sa Cebu.

Isinailalim ang suspek sa surveillance ng pulisya sa loob ng tatlong linggo bago ikinasa ang operasyon.

Nakuha sa suspek ang kabuuang 220 gramo ng hinihinalang shabu na nagkakahalaga ng P1.49 milyon.

TAGS: Alvin Lopez Fegarido, buy bust operation, Cebu City, shabu, Alvin Lopez Fegarido, buy bust operation, Cebu City, shabu

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.