Magkakahiwalay na pagyanig naitala sa Zamboanga Sibugay, Davao Oriental at Quezon
Naitala ang magkakahiwalay na lindol sa Zamboanga Sibugay, Davao Oriental at Quezon Sabado ng madaling-araw.
Ayon sa Phivolcs, magnitude 3.8 na pagyanig ang tumama sa bahagi ng Zamboanga Sibugay ala-1:02.
Ang episentro ng lindol ay naitala sa 21 kilometro Timog-Kanluran ng Olutanga at may lalim na 13 kilometro.
Magnitude 3.2 naman ang yumanig sa bahagi ng Davao Oriental ala-1:26.
Ang episentro ay sa layong 56 kilometro Timog-Silangan ng Governor Generoso at may lalim na 118 kilometro.
Alas-3:30 naman nang tumama ang magnitude 3.4 na lindol sa Quezon.
Naitala ang episentro sa layong 36 kilometro Hilagang-Silangan ng Jomalig at may lalim na isang kilometro.
Tectonic ang dahilan ng mga pagyanig at hindi naman nagdulot ng pinsala sa mga ari-arian at wala ring inaasahang aftershocks.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.