outbrain

8 sundalo sugatan sa bakbakan vs ASG sa Sulu

By Rhommel Balasbas November 15, 2019 - 04:16 AM

Nasugatan ang walong sundalo matapos makaengkwentro ang nasa 40 miyembro ng Abu Sayyaf Group (ASG) sa Patikul, Sulu.

Ayon sa pahayag ng Western Mindanao Command araw ng Huwebes, sumiklab ang bakbakan sa pagitan ng Joint Task Force Sulu at grupo nina Hatib Hajan Sawadjaan at Radullan Sahiron.

Hindi naman nabatid kung ilan ang casualties sa miyembro ng ASG.

Ginagamot na ang mga sugatang sundalo sa Camp Teodulfo Bautista Station Hospital sa Busbus, Sulu.

Sinaluduhan ni WesMinCom Lt. Gen. Cirilito Sobejana ang mga sundalo dahil sa kanilang dedikasyong matiyak ang seguridad ng bansa.

“I salute our gallant soldiers for their bravery and utmost dedication to their sworn duty,” ani Sobejana.

Pagtitiyak ni Sobejana, patuloy na palalakasin ang operasyon laban sa mga terorista sa Sulu at sa mga lalawigang nasa kontrol ng WesMinCom.

 

TAGS: 8 sundalo, abu sayyaf group, enkwentro, Hatib Hajan Sawadjaan, Joint Task Force Sulu, Militar, Patikul, Radullan Sahiron, sugatan, Sulu, wesmincom, 8 sundalo, abu sayyaf group, enkwentro, Hatib Hajan Sawadjaan, Joint Task Force Sulu, Militar, Patikul, Radullan Sahiron, sugatan, Sulu, wesmincom

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.