Paglulunsad ng streaming service na ‘Disney plus’ nabalot ng problema
Nabalot ng problema ang paglulunsad ng streaming service ng Disney na Disney Plus.
Sa launching nito araw ng Martes, November 12, nagulat ang maraming kostumer dahil hindi nila magamit ang streaming devices.
May reklamo rin na hindi sila maka-log in at nang tumawag sila sa costumer service ng Disney ay pinaghintay sila ng ilang oras.
Inihayag ng pamunuan ng Disney Plus na ang “high demand” ang naging sanhi ng technical glitches at nangako na nireresolba na nila ang problema sa lalong madaling panahon.
Sa monitoring ng Downdetector.com umabot sa higit 8,000 ang iniulat na problema ng naturang streaming service.
Mabilis namang naresolba ng Disney ang napaulat na problema at agad na naibalik ang maayos na serbisyo para sa kanilang mga subscriber.
Ang Disney Plus ay naglalayong makisabay sa mga streaming services gaya ng Netflix, Amazon Prime, Hulu at HBO Max.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.