Agot Isidro sinita si Sen. Bato sa naging payo kay VP Leni
Binatikos ni Agot Isidro si Senator Bato dela Rosa dahil sa naging payo nito kay Vice President Leni Robredo ukol sa kung ano ang dapat gawin sa kanyang trabaho bilang drug czar.
Sa isang Twitter post araw ng Martes, nagpaalala ang aktres kay dela Rosa na mas mataas ang posisyon sa kanya ni Robredo.
Nararapat lang anya na igalang ang bise presidente at magkaroon ang senador ng respeto sa pananalita.
“Reminder Mr. Dela Rosa: VP>Senator. Konting respeto sa pananalita,” ani Isidro.
Ang pahayag ng aktres ay matapos ang payo ni dela Rosa kay Robredo na huwag nang maghanap ng iba pa at gamitin kung ano lamang resources ang mayroon para sa pagiging drug czar.
“Kung ano meron diyan, gamitin mo na. Huwag ka munang maghanap ng kung anu-ano pang iba pondo diyan,” ani dela Rosa.
Una na kasing sinabi ni Robredo noong weekend na hindi sapat ang P15 milyon pondo ng Inter Agency Committee on Anti-illegal Drugs (ICAD).
Reminder Mr. dela Rosa:
VP > Senator
Konting respeto sa pananalita. 😏 https://t.co/RId4uSxI6J
— Agot Isidro (@agot_isidro) November 12, 2019
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.