Higit P1M halaga ng shabu nakuha sa ex-convict sa Dumaguete
Arestado ang isang ex-convict matapos itong makuhanan ng mahigit P1 milyong halaga ng shabu sa operasyon sa Purok 7, Barangay Batinguel, Dumaguete City, Negros Oriental Martes ng gabi.
Ayon kay Dumaguete City Police chief Police Lt. Col. Wilfredo Alarcon, naaresto si Regi Calugcugan, 36 anyos na kilala sa taguring “Black Knight.”
Itinuring ng pulisya na high value target ang suspect.
Nakuha kay Calugcugan ang sampung sachet ng shabu na may timbang na 150 grams.
Narekober din sa suspect ang P1,000 buy bust money, digital weighing scale, improvised sealer, P1,200 cash, plastic canister at gray Mitsubishi Lancer na may plakang GGW-926.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.