34 sa 46 escalators ng MRT-3 nagagamit na

Inihayag ng Department of Transportation (DOTr) na nadagdagan ang mga escalator ng MRT-3 na nagagamit na.

Ayon sa DOTr, nasa 34 sa 46 escalators ng MRT-3 ang fully operational na.

Ito ay kasunod ng isinagawang repair ng maintenance provider na Sumitomo-MHI-TESP.

Pinakahuli sa mga naayos ang dalawang escalator sa southbound ng Boni Station at southbound ng Ayala Station.

Ayon sa ahensya, ang pag-aayos ng escalators ay bahagi ng malawakang rehabilitasyon ng MRT-3.

Target ng Sumitomo na gumana ang lahat ng escalators ngayong taon na ilang buwang mas maaga sa orihinal na deadline ng pagsasaayos ng escalators gayundin ang elevators.