LPA sa Catanduanes isa nang ganap na bagyo; pinangalanang Ramon – PAGASA

Nabuo na bilang isang ganap na bagyo ang Low Pressure Area (LPA) na binabantayan ng PAGASA sa Virac, Catanduanes.

Ayon sa PAGASA, alas 8:00 ng umaga ng Martes, Nov. 12 naging tropical depression ang LPA at pinangalanan itong Ramon.

Sa weather forecast ng PAGASA, ang bagyong Ramon ay maaring makaapekto sa Northern, Central at Southern Luzon.

Bago maging ganap na bagyo ay nagdulot na ito ng kalat-kalat na pag-ulan, pagkulog at pagkidlat sa Bicol Region, buong Visayas, Northern Mindanao, Caraga at Zamboanga Peninsula.