Palagiang paggamit ng body cameras ng mga otoridad kinontra ni Speaker Cayetano

Sinopla ni House Speaker Alan Peter Cayetano ang pahayag ni Vice President Leni Robredo na kailangang gumamit ng body cameras ng mga operatiba sa tuwing maglulunsad ng anti-illegal drugs operations.

Ayon kay Cayetano na kailangan munang mapag-aralan ng husto ang siyensya sa paggamit ng naturang kagamitan, at maisaalang-alang ang mga karanasan ng mga security agencies sa ibang bansa pagdating dito

Para kay Robredo, mas mapoprotektahan ang buhay ng mga operatiba mula sa mga kasong wala namang basehan sa pamamagitan nang paggamit ng body cameras.

Subalit hindi sang-ayon dito si Cayetano dahil may mga pagkakataon na lalo lamang aniyang mailalagay sa peligro ang buhay ng mga operatiba kapag gagamit pa ng body cameras.