Estudyante at drug surrenderee arestado sa buy bust sa QC

Arestado ang isang Grade 11 student at isang drug suspect na dati nang sumuko sa buy bust operation sa Quezon City Martes ng madaling araw.

Ayon kay Major Melchor Rosales, unang nagkaroon ng test buy kung saan nakabili ang pulisya ng P1,000 halaga ng marijuana mula sa mga suspects na may edad 18 anyos at 24 anyos.

Sunod ay nagpositibo ang operasyon kung saan nakabili naman sa mga suspects ng P2,000 halaga ng marijuana.

Naaresto ang dalawa sa isang sirang sasakyan sa Barangay Talipapa kung saan mayroong drug session.

Nakuha sa mga suspects ang 8 sachet ng marijuana na nagkakahalaga ng P4,000.