Magkasunod na lindol naitala sa Davao del Sur at Surigao del Sur

Halos magkasunod na pagyanig ang naitala sa Davao del Sur at Surigao del Sur Lunes ng gabi.

Alas-11:16 ng gabi ng tumama ang magnitude 3.2 na lindol sa 60 kilometro Hilagang-Silangan ng Bayabas, Surigao del Sur.

May lalim itong siyam na kilometro.

Sa kaparehong oras din, magnitude 3.1 naman ang tumama sa 15 kilometro Timog-Silangan ng Davao City.

May lalim naman itong 22 kilometro.

Tectonic ang dahilan ng mga pagyanig na hindi naman nagdulot ng pinsala sa ari-arian at wala ring inaasahang aftershocks.