Metro Manila, mga kalapit na lalawigan uulanin sa susunod na mga oras

Makararanas ng pag-ulan sa susunod na mga oras ang Metro Manila at mga kalapit na lalawigan.

Sa inilabas na thunderstorm advisory ng PAGASA ala 1:39 ng hapon, Nov. 11 ay katamtaman hanggang sa malakas na buhos ng ulan ang mararanasan sa Metro Manila, Tarlac, Bataan, Pampanga, Bulacan, Laguna, Batangas at Rizal.

Ayon sa PAGASA ganitong lagay na rin ng panahon ang nararanasan sa Palauig, Iba, Botolan, San Marcelino, Subic at Olongapo sa Zambales at sa Real, Burdeos at Patnanungan sa Quezon.

Pinapayuhan ang mga residente na maging maingat sa posibleng pagkakaroon ng flash floods o landslides sa kasagsagan ng malakas na ulan.